Framsóknarvinafélagið

Þessi bloggfærsla er ekki tengd við neina sérstaka frétt. Af nógu er svo sem að taka:

Bjarni og Guðni sögðu af sér.
Jónína Ben gengin inn með pólska stólpípu og alles.
Guðmundur góði Steingríms (ég hef áhyggjur AF þessu, ég verð að segja það) genginn inn.
Bjarni genginn út (fékk hann stólpípu eða vildi hann ekki fá stólpípu?).
Jón Sigurðsson, fyrrum formaður Halldórsarmsins mótmælir spillingu einhvers annars flokksarms.

Ég hef alveg misskilið tilgang þessa flokks. Tilgangur hans er náttúrlega ekki pólitík. Hann er skemmtikrafturinn á sviði stjórnmálaflokkanna.

Framsókn er nú í útrýmingarhættu. Það má ekki verða að þessi brandaraflokkur deyi út. Þess vegna lýsi ég yfir stofnun Framsóknarvinafélagsins. Tilgangur félagsins er að vekja athygli kjósenda á að Framsókn er eingöngu til þess að hlæja að. Það er ekki nauðsynlegt að hafa kosið eða ætla að kjósa Framsókn til að geta verið í Framsóknarvinafélaginu.

Athugasemdir

[Guðbjörn Guðbjörnsson, 7.1.2009 kl. 21:21]

Sæll Björgvin!

Hef ekki séð þig á blogginu áður. Það er gott að tengja við fréttir, þegar manni finnst það gott og í byrjun nær nauðsynlegt, því annars færðu nær enga lesendur.

Síðan, þegar maður er orðinn pínulítið þekktur, er hægt að byrja að blogga sjálfstætt. Það tekur hins vegar langan tíma!

[Björgvin R. Leifsson, 7.1.2009 kl. 21:30]

Takk fyrir ábendinguna Guðbjörn.

[Kolbrún Bára (IP-tala skráð) 7.1.2009 kl. 21:38]

Börnin mín eiga erfitt með að halda íbúðunum sínum, þrátt fyrir reglusemi

og góðan vilja. Bankafólkið laug. Stjórnmálamennirnir lugu. Fjölmiðlarnir

lugu. Hvernig getur ungt fólk treyst bankastofnunum eða þingfólki hér

eftir. Hvernig  getur  fólkið reitt sig á að fjölmiðlar segi satt og rétt

frá, þegar þeim er stjórnað af auðklíkum, sem hafa hagsmuna að gæta.

  Unga fólkið hefur misst trúna á fólkið og landið. Unga fólkið hefur misst

trúna á sjálft sig.

Gamla samvinnuflokknum hans pabba, var nauðgað af flokksforystunni fyrir

nokkrum árum, það var kallað að nútímavæða flokkinn. Sjálftaka,svindl,sukk

og sóðaskapur, einkenndu gjörðir hans flestar. Allir okkar verstu og

umdeildustu gjörningar síðustu ára má  að miklu leyti skrifa á  það vanhæfa

fólk sem stóð í stafni í nafni flokksins, á þessum tíma. það er

lítilsvirðing við látna leiðtoga þessa flokks að halda honum á lífi. Best

væri að stofna nýjan flokk sem starfaði í anda samvinnu og

félagshyggju, með sérstaka áherslu á landsbyggðina. En úr því sem komið er,

þá styð ég heilshugar byltingu. Ný nöfn, ný adlit, ekkert minna.

Ríkisstjórnin ræður ekki við vandann. Hún sofnaði á verðinum. Fór of seint

af stað, og ýmsar ákvarðanir því flausturslegar og vanhugsaðar. Þá hefur

hún sýnt útrásardólgunum ótrúlega linkind.

Utanþingsstjórn vil ég fá sem allra fyrst.

Hvar eru mörkin milli græðgis og glæpar? Hvenær er maður þjófur og hvenær

er maður ekki þjófur?

[Húnbogi Valsson (IP-tala skráð) 8.1.2009 kl. 02:13]

Ég vil gerast félagi í Framsóknarvinafélaginu.

[Karl Tómasson, 9.1.2009 kl. 18:13]

Guðbjörn.

Inn á hvaða reikning leggur maður félagsgjaldið?

Bestu kveðjur frá Kalla Tomm úr Mosó.

[Björgvin R. Leifsson, 9.1.2009 kl. 18:31]

Af hverju spyrðu Guðbjörn? Það var ég, sem stofnaði félagið. Ef þú leggur félagsgjaldið inn á einkareikning minn mun ég umsvifalaust sukka fyrir það - í anda klassískrar framsóknarspillingar.