Sitt lítið af hverju

Þekkir einhver höfundinn?

Hér eru þrjár gamlar og góðar, sem ég lærði í eldgamla daga þegar ég var bæði ungur og fallegur. Er einhver þarna úti, sem veit hver samdi? Syngja má vísurnar t.d við lagið Hani, krummi, hundur, svín

Á Íslandi er enginn her,
allt í góðu standi.
Kommúnistar komu hér
og kýldu hann úr landi.

Morgunblaðið brunnið er,
að brunanum var gaman.
Kommúnistar komu hér
og kveiktu' í öllu saman.

Seðlabankahúsið hátt
held ég mætti sprengja.
Kommúnistar koma brátt
og kveikiþráðinn tengja.

Meginflokkur: Stjórnmál og samfélag | Aukaflokkar: Ljóð, Spaugilegt | 3.1.2009 | 03:30 | Facebook

Athugasemdir

Frábærar vísur. Hef ekki séð þær áður.

Húnbogi Valsson (IP-tala skráð) 3.1.2009 kl. 12:02

Flottir taktar - er það frumsamið?

Þór Jóhannesson, 3.1.2009 kl. 16:59

Tja, einhver frumsamdi það, ekki ég. Mig langar bara að vita eftir hvern þær eru.

Björgvin R. Leifsson, 3.1.2009 kl. 17:06

Það var Örn Bjarnason sem söng þetta á sínum tíma og ég hef það fyrir satt að hann hafi líka ort vísurnar. Og söng þær við lagið Hani, krummi, hundur, svín. Það var einhvern tíma upp úr 1970 sem hann fór að syngja þetta. Kannski man einhver það nákvæmar.

Einar Ólafsson, 3.1.2009 kl. 22:41