Ríkisstjórnin verður að fara

Það er aðeins áfangasigur að ríkisstjórnarflokkarnir hafa ákveðið að boðað verði til kosninga í vor. Krafa meginþorra þjóðarinnar er að ríkisstjórnin segi af sér - núna!

Þetta eru hins vegar hrikalegar fréttir af heilsufari Geirs. Öll þjóðin hlýtur að óska honum - og Ingibjörgu - góðs bata.

Geir: Kosið í maí

Athugasemdir

[Þorsteinn Þormóðsson, 23.1.2009 kl. 13:11]

Þá spyr ég þig, hvað á svo að gera?? Hverjir eiga að taka við fram að kosningum??

[Björgvin R. Leifsson, 23.1.2009 kl. 13:18]

Sæll Þorsteinn. Ég hef í fyrri bloggum lýst þeirri skoðun minni að best sé að forsetinn skipi utanþingsstjórn þar til ný stjórn tekur við að loknum kosningum.

[Villi Asgeirsson, 23.1.2009 kl. 14:11]

Þjóðstjórn, sammála.

[Björgvin R. Leifsson, 23.1.2009 kl. 14:18]

Sæll Villi. Þjóðstjórn er reyndar ekki það sama og utanþingsstjórn. Utanþingsstjórn er skipuð (af forseta) fólki, sem ekki á sæti á Alþingi. Þjóðstjórn er aftur á móti ríkisstjórn allra flokka, sem eiga sæti á Alþingi. Ég sé nú ekki að því verði við komið núna eftir það sem á undan er gengið þó að VG hafi verið til viðræðu um þjóðstjórn í haust.

[Georg P Sveinbjörnsson, 23.1.2009 kl. 14:32]

Utanþingstjórn er málið fram að kosningum, hennar bíður mikið tiltektarstarf og hreinsun í skúmaskotum.

[Guðmundur Ásgeirsson, 23.1.2009 kl. 14:48]

Ekki gleyma stjórnum Seðlabanka og FME.

Bataóskir til Geirs.

[Villi Asgeirsson, 23.1.2009 kl. 14:53]

Utanþingsstjórn var það, heillin.